أهلا جميلاتي
هالتدوينة راح تكون عن مفضلاتي لهالشهر و أكثر المنتجات اللي حبيتها و إستخدمتها كثير
Urban Decay Naked Basics
باليت شدو بألوان أساسية طبيعية يناسب البنات اللي يحبون الألوان الترابية المطفية أكثر لونين حبيتهم Venus جميل كإضاءة تحت الحاجب و في زاوية العين و Naked 2 لونه توبي طبيعي ممتاز للدمج و في كسرة العين.
Maybelline the Colossal Kajal
كحل مايبيلن الأصفر الشهير استخدمه داخل العين سواده فاحم و ثابت جربت استخدمه برا العين تلطخ و حاس الدنيا فالأفضل انك ما تستخدمينه على الجفون أو برا العين. ما لقيته هنا اشتريته من دبي
theBalm Cabana Boy Blush
بلاش لونه توتي على بنفسجي دافي يناسب هالوقت من السنه كتبت عنه بالتفصيل هنا
Clinique Dramatically Different Moisturizing Lotion
لوشن مرطب للوجه من كلينيك يرطب بشكل حلو خفيف على البشرة و سريع الإمتصاص أحب استخدمه لترطيب بشرتي بعد الغسول و التونر.
Victoria's Secret Such A Flirt Fragrance Mist
مرطب معطر للجسم من فكتوريا سيكريت بريحة ستارفروت و الاروكيد الأبيض ريحته مزيج بين الفاكهة و الورد خفيفة و منعشة بعد الشاور
Burberry Lip Velvet Long Wear Lipstick in Antique Pink No.303
روج بربري تركيبته مخملي مطفي بلون وردي طبيعي على شوية لحمي درجته من الألوان الطبيعية اللي تنفع لكل يوم مره حبيت جودته وثباته و لونه
elf Mod Mauve Nail Polish
مناكير من ايلف لونه بنفسجي على وردي جميل (لونه أفتح من الصورة بشوي)
بكذا خلصت مفضلاتي لهالشهر لو جربتي أي منتج من هالمنتجات اكتبي لي تجربتك هنا أو في تويتر أو انستجرام وراح أكون سعيدة بمشاركتك و رأيك :)
في آمان الله
♥♥♥
