هحكيلكوا على خناقة كارينا مع واحدة مكنش المفروض
انها تتخانق معاها او يكون بينهم حرب باردة او كره كده
من اكبر خلافات كارينا واهمها كان خلافها مع ايشواريا راى ايشواريا
بطبعها ست قوية و ياما دخلت خناقات وعندها خبرة
وده السبب اللى خلى الاعلام ينتبه ليهم بشكل واسع .. كارينا اللى عملت
عداوات اكتر من الصداقات من بريانكا لاميشا باتيل وبريتى زينتا وبيباشا باسو
وغيررره "هحكيلكم بعدين " .... و ايشواريا اللى سبق و فتحت الحرب ع
شاروخان وسلمان ف الاعلام و شوهت سمعتهم وانتصرت عليهم ....
الحكاية كانت صعبة والاعلام ولعها وشعللها
بس بدايتها عند كارينا مش عند ايشواريا
فيه كره فطرى من كارينا لايشواريا
قولولى ليييه
عشان ايشواريا متجوزة ابهيشك باتشان ابهيشك كاريشما كابور كان فيه
بينهم حب زمان وبقى خطوبة و ميعاد جواز والدنيا حلوووة وفجأة
الخطوبة اتفسخت و كله بيتك بيتك من غير حتى ابداء اسباب
مش موضوعنا هبقى احكيلكوا بعدين
لكن اللى كان واضح وقتها ان سبب فسخ الخطوبة مش من جهة كاريشما لانها
فضلت تحبه فترة و كمان فسخ الخطوبة اثر عليها تأثير كبير سلبى .. ومن
بعدها وعيلة كابور وعيلة باتشان نفوسهم شايلة من بعض
ولما بعدها ايشواريا شقطت ابهيشك واتجوزته كانت كاريشما جواها كره
دفين لايشواريا ... والكره ده شربته كارينا
بس مش ده بس
كارينا بدأت تقول ف الاعلام ان فيلم Hum Dil De Chuke Sanam وده الفيلم
اللى عمل من ايشواريا نجمة ان سنجاى ليلا بنسالى عرض علي عيلتها
الفيلم الاول لكن موافقوش لانها كانت لسه صغيرة ف السن وكمان كانت
محتاجة انها تسافر بره تكمل تعليمها و مكنش ينفع تبدأ تمثيل بدرى كده
عايزة تقول يعنى ان ايشواريا كانت اختيار تانى لصناع الفيلم وان هى
كانت الاختيار الاول بس الظروف منعتها
ايام فيلم Devdas كان كارينا بدأت تمثل وتعمل افلام وكانت من الشباب
الواعد و دور زى دور بارو ف ديفداس كان ممكن يختصرلها المشوار كتيرررر
وفعلا كان سنجاى ليلا بنسالى هيختارها ... لكن لما قارن بينها وبين ايشواريا
من حيث ملائمة الدور ليها وكمان عشان فرق السن بينها وبين شاروخان ..
لما حصلت المقارنة دى كانت ف صالح ايشواريا طبعا لان هى الاكبر وهى
الناضجة اكتر .. كارينا مكنش ينفع تقف قصاد مادهورى اساسا .... وطبعا
سنجاى عمل الاصلح لفيلمه و ادى الدور لايشواريا و قال لكارينا طريقك اخضر
و هى زعلت منه وتقريبا معملتش معاه اى افلام خااالص
ايام صدور فيلم Golmaal Returns فيلم كارينا واجاى ديفجان كان نفس يوم
صدور فيلم ايشواريا راى Action Replayy .... ومفيش شركة انتاج من الاتنين
رضيت تقدم او تأخر فيلمها عشان التانى
وسألوا كارينا ف الترويجات تفتكرى اى فيلم من الاتنين الناس هتروحله
وهى ردت وقالت فيلم جولمال ريترنز طبعا لانه سلسلة معروفة من الافلام
والناس بتحبه وهتروح تشوفه رغم انها كانت ممكن تقول اتمنى التوفيق
للفيلمين وخلاص بس هى عكت الدنيا وخلت ايشواريا تشيل منها زيادة
خصوصا ان فيلم ايشواريا واكشاى فعلا فشل وجولمال هو اللى نجح
2012 وقت فيلم Heroine اللى هو اصلا فيلم ايشواريا راى واللى كانت
حضرت من تصويره حوالى اسبوع وبعدها اكتشفت انها حامل وكده الفيلم
مش هيكمل ....
ايشواريا كانت متوقعة ان المخرج هيأجل الفيلم لحد ما هى تولد وترجع ..لكن
الفيلم ده كان حلم المخرج مادهور بهانداركار ومكنش موافق على تاجيله ...
ولما عرفت ايشواريا اضطرت انها تنسحب من الفيلم و رجعت اجرها اللى
كانت
اخدته و كارينا وبريانكا الاتنين كانوا عايزين الدور ... لكن كارينا هى اللى اخدته
و حسب الاعلام اللى كانت صفحة كلها بتقول ان ايشواريا مش مبسوطة ان
كارينا هى اللى اخدت فيلمها
برضه ف ترويجات الفيلم سأل الصحفى كارينا ايه كان هيبقى الفرق لو كانت
ايشواريا هى اللى كملت الدور وهى كعادة لسانها اللى بيرمى طوب ده
راحت قالتله متقارنش بينى وبين ايشواريا لانها من الجيل اللى قبلى
ومينفعش نتقارن ببعض وايشواريا متعتبرش من الجيل اللى قبلها ولا
حاجة لان الفرق بين اول فيلم لايشواريا واول فيلم لكارينا بتاع 3 سنين مش
حاجة يعنى وراحت كمان علقت ع زيادة وزن ايشواريا ف الحمل والولادة
"الفترة اللى ايشواريا حصلها تضخم فيها " وراحت قايلة ان الممثلة
مينفعش تكون تخينة وانها لازم تكون محافظة على وزنها لان الوزن الزيادة
بيقلل من الجمال حتى لو موجود
وطبعا الكلام ده ضايق ايشواريا منها
بس ايشواريا مردتش عليها
كمان ف كوفى وز كاران ... لما كاران سأل كارينا اى الادوار عملته واحدة غيرك وانتى شايفة انك ممكن تعمليه احسن ... قالت دور ايشواريا راى ف فيلم Dhoom 2
لكن دلوقتى مفيش حاجة بتحصل بينهم لان ايشواريا بقالها فترة مبتعملش
افلام وكارينا كمان من يوم ما اتجوزت وهى موكوسة وعمالة ترفض ف الادوار المهمة وتقبل ف الادوار الهفق
ايشواريا راجعة بوليود تانى بقيلم اسمه #Jazba وكارينا كمان ليها فيلم مهم مع سلمان من اخراج كبير خان السنة الجاية
