رانفير سينغ
واحد من اهم الشباب اللى اثبتوا وجودهم فى بوليوود
بتحبه او مش بتحبه لكن متقدرش تنكر نجاحه .... مفيش اى فيلم من الافلام اللى عملها لحد دلوقتى فشلت
رانفير من مواليد 6 يوليو 1985 يعنى داخل على 30 سنة كده
اسمه بالكامل " رانفير جاغجيت سينغ بهافناني " بس هو لما ابتدى يمثل حس ان الاسم كبير فاختصره لرانفير سينغ وخلاص
كان زيه زى شباب كتير نفسه يمثل بس مفيش فرصه وفضل التمثيل بالنسباله مجرد حلم او هواية لحد ما بدأ تمثيل
دايما اكتر موقف بيذكره ف البرامج لما جدته طلبت منه يرقص ف عيد ميلادها ... ورقص على اغنية chumma chumma بتاعه فيلم بتاع hum 1991
بس برضه ملقاش اى فرصه للتمثيل فقرر يشوف اى نوع تانى من الفن
سافر لامريكا ودرس الادب فى جامعة اندايانا وخد البكالوريوس ورجع الهند تانى سنة 2007
بدأ يعمل ادوار صغيرة فى المسرح وبعدين اشتغل مساعد مخرج وبعدين شوية اعلانات والذى منه
لحد ما قرر انه عايز يكون ممثل .. وان نظرية الوجه الجديد احسن كتير من اللى بيعمله "بصراحه عنده حق " لانه اخد جايزة الفيلم فير لافضل ظهور
وبدأ يبعت لكل المخرجين وشركات الانتاج بس محدش كان معبره
لحد ما اختارته شركة ياش راج وعملت منه بطل ونجم
الافلام اللى عملها لحد وقتنا هذا : Band Baja Barat و Ladies vs Ricky Bahl ودول كانوا
مع انوشكا شارما ورأيى ان دول كانوا بداية قوية ليه ثبتته كنجم
وبعد كده Lootera مع سوناكشى وده اكتر فيلم بحبه ليه
وبعد كده Ram-Leela مع دبيكا بادوكون وبعد كده فيلم
Gunday مع بريانكا وارجون كابور وبعده وفيلم Kill Dil مع بارانيتى شوبرا
علاقاته ف بوليود كانت ف الاول انوشكا شارما ودلوقتى مع دبيكا بادوكون
افلامه المنتظره هى dil dhadakne do مع بريانكا وانوشكا وفرحان
وباجيراو ماستانى مع دبيكا وبريانكا
