سوشميتا سين وشاروخان
الملك والملكه ... فهى ملكة جمال الكون لعام 1996 وهى اول هنديه تتوج كملكة جمال للكون اصلا .. ومين يقدر ينكر ان سوشميتا صاروخ ارض جو
وقفوا قدام بعض فى فيلمين ... فقدمولنا مزيج من النعومه والشقاوه والرقه والجمال .. يخليك طول الفيلم متنح
اول فيلم جمعهم كان من اخراج الجميله فرح خان وهو
Main Hoon Naa
وكانت سوشميتا هى دكتوره فى الجامعة اللى بيدرس فيها شاروخان وهو متنكر .. وكانت الكيميا بينهم عاليه جداً وناعمه جداً .. ونال الفيلم نجاح ساحق واشادة الكثير من النقاد
تانى فيلم جميعهم كان
Dulha Mil Gaya
وقدم شاروخان دور ثانوى فى الفيلم وكان العاشق الولهان ... ولكن فى الناحيه التانيه هى لا كانت بتحبه ولا بتكرهه .. هو عايز يتجوزها وهى اهم حاجة عندها غرورها وانانيتها .. وفى النهايه بتروح هى تطلب ايده فى المطار .. نهايه كانت حلوه اوى ...
بس للأسف العلاقة الحلوه والثنائى دة .. حصل بينهم مشاكل ... مش كوارث وحروب .. ولكن صداقتهم تجمدت بسبب ان شاروخان غضب من مخرج فيلم دولها ميل جايا ... لانه روج للفيلم على اسم شاروخان .. فى حين ان شاروخان مقدمش غير كام مشهد بس ... ودة استفز شاروخان جداً
