تقرير عن أفلام شاروخان مع بريانكا تشوبرا

بريانكا تشوبرا وشاروخان

نقدر نقول ان الثنائى دة اثار جدل وصخب عظيمين فى الآونه الاخيره ... بس خلى النميمه للأخر 

لم يقدر لهذه النجمه العبقريه بريانكا تشوبرا ان تقف امام شاروخان طوال مسيرتها الفنيه على الرغم من عشقها الكبير له .. الا ان الحظ ابتسم لها فى سلسله الريميك دون

كان اول مره تظهر معه فى فيلم Don 2006
وكان يعتبر تحدى كبير ليها ... ولكن نجمة بوزن بريانكا تشوبرا مش صعب عليها اى حاجة ... كان دورها عبقرى ... فا شخصيه القطه البريه  .. روما .. اثارت اعجاب الجميع ... فاهى مش البطله اللى دايبه فى هيام شاروخان ... وانما لا .. فاهى المرآه الباحثه عن الانتقام ... بس على مين  فجاذبية شاروخان لا تقاوم وداخل العداوه الكبيره دى ... عشق كبير من روما لدون

الفيلم نجح ... والنقاد اعجبوا جداً بأدائهم مع بعض ... وكانت الكيميا بينهم ملفته بشكل واضح ...

ولكن الموضوع موقفش لحد هنا .. لما قرر شاروخان اطلاق الجزء التانى
Don 2 بعد ست سنين ... كانت بردوا البطله بريانكا تشوبرا ... وادائهم كان اروع من الجزء الاول ...

ولكن الموضوع موقفش لحد هنا بردو  ... انما طلعت اشاعه ان فى علاقه غراميه ملتهبه بتدور بين النجمين .. وخصوصا ان شاروخان كان مهتم جداً ببريانكا تشوبرا فى كل الحفلات وبينتظرها مخصوص .. وطبعاً بريانكا تشوبرا متيمه بيه كأى نجمه تانيه ... مما اثار غضب غورى خان زوجة شاروخان ... ويُقال انها مصره على ان بريانكا تشوبرا متقفش قدام الكينج مره تانيه فى اى فيلم ..

وثار الاعلام وكانت ضجه مهوله فى هذا التوقيت ... وصرح شاروخان بالتالى :
"بالنسبة لي اكثر شئ يزعجنى هو أن السيدة التي عملت معي تم التشكيك بها ولم يظهر لها الاحترام الذى اظهره الناس لى او لجميع النساء الذين عملت معهم وأنا آسف للغاية عن ذلك آسف ليس بسبب الأشياء التي قمت بها ولكن لأنها واحدة من اصدقائي"

وعندما اصرت الصحافه على اتهاماتها .. كان دة تصريح الكينج :
"في غالب الأحيان لا يريد البعض التعرف عليك عن قرب و مع ذلك يقولون عنك أشياء و يكونون فكرة خاطئة، فلندعهم يختلقون القصص عنك"

وبعد كده الكينج طلب من فرح خان ضم بريانكا تشوبرا لفريق عمل Happy New Year وكانت هى ستكون نجمة الفيلم ولكن فرح كانت متردده بسبب الاشاعات اللى بتدور حواليهم فى هذا التوقيت ... وطبعاً زى مانتوا عارفين باقى القصه .. تم اختيار ديبيكا بادكون لتكون نجمة الفيلم ..

ومؤخراً بقى صار شاروخان يتجاهل بريانكا تشوبرا فى الحفلات .. ويُقال ان حتى التحيه ... مبقتش متوفره بينهم ...

طبعاً كل الكلام دة قد يحمل الصدق وقد يحمل الكذب ... انا حاولت اجمعلكم كل الاخبار اللى تخص الازمه دى .. وهنتكلم عنها بأستفاضه فيما بعد ..

انتوا بقى تفتكروا فعلا كانوا بيحبوا بعض   ؟
طيب ياترى هنشوفهم تانى سوا   ؟